翻刻
置候得共未取調出来兼申候
一松代領水内郡二山中と唱候一郷有之三万石余之場所に
候所右村々別而地震強山崩れ村毎二有之 家居悉く
潰れ死人も夥敷同郡水内橋之下犀川之両縁平
林長井と申両村有之右村郷之山両方ゟ崩れ落
岩石犀川を塞き人家木立共右崩落候土上に
有之大土手を築き候姿二而敷八丁程も有之自然
之山を現し候如く川下へ水一滴も落不申川上
湖水の如く数ヶ村水下二相成巾六七町又ハ十四五町
長サ五六里余水湛廿四日ゟ今日迄十日 余二相成候得共
未タ水落不申右崩落候場所是迄之平水よりは
大凡八九十間も高く候所追々水湛いまた三十間余
も水上江有之此節照続候故歟犀川減水いたし
右広場へ湛候水嵩り一昼夜に弐三尺位宛之由
此上大雨二而も有之候ハヽ格別左も無之候而ハ二三十日相立
不申候而ハ流れ落申間敷哉之由然ㇽ所川下村々二而ハ
一時二切れ落亡所二可相成と食物携山上江逃登り或ハ
一村不残他所江立退抔騒立候風聞二付見分之者
差遣し水上之様子為見届候所当時之姿二而ハ容易二
切れ落可申様子二無之仮令水満候とも銚子口之如く
自然流落可申哉之由二御座候
一松代城下町ハ潰家二分通り有之由候得共場所二寄
強弱有之領分一体二而ハ夥敷潰家死人二而是迄届
有之分弐千人余右山中郷之分未相分り不申候得共
大凡壱万人程之死失二も可有之由同藩之者噂に
御座候
一善光寺町ハ此節開帳回向中二付諸国ゟ参詣御座候
者夥敷有之同夜之地震俄ゆり二而逃出し候もの
《？：二タ》足とも歩行いたし候間合無之被押潰十人之家内ハ