翻刻
贈物とらせ物御停止に候然上者在々ニ而猶更左
様之品有之間敷候事
但他郷ゟ婚姻取むすひ遠路之者罷越不得止儀
有之候ハヽ麁食給させ申儀者格別候事
一 百姓共之惣〆り之為庄屋長百姓被立置候間不
得心之者猶有之者不隠置其頭々江可申達候若
隠置候ハヽ其身ハ不及申庄屋長百姓可為曲事事
右近年在々困窮殊作毛不熟ニ付諸民難義之段
相聞候依之貞享年中被 仰出條目も有之
候得共猶又元文三午年委細被 仰出置候通堅相守
可申事勿論之事候畢竟年々百姓共衣服其外諸
道具等ニ至迄花麗ニ成行無益之費有之勝手不力ニ
及ひ候得者おのつから田畑之手入も不行届依之不
作ニ
有之御納所も不埒ニ而累ハ田地た離申事候間諸
事相慎農業精ニ入申事専一之事候若相背者有
之候ハヽ罪之軽重ニより被 仰付品も可有之候間
急度相守可申者也
八月十一日