翻刻
匂ひ甚悪敷硫黄之気見有之哉尤水吹出し候場
所は匂ひ無御座候
一去月十日ゟ善光寺開帳二付諸国ゟ参詣之旅人
夥敷
多く泊り候節ハ壱軒之旅籠屋二千弐百四拾人泊り候
右之内千弐百人ハ旅籠銭取残り四拾人は無賃二而
泊り候由右様群集之折柄大地震二而善光寺□方
震潰其外出火二而死人何程と数限り無之由
如来堂江籠り候旅人凡三千人餘是ハ無難二立退候
得共衣類其外路金等何れも焼失之由遠国之者抔ハ
別而及難儀候様子二御座候如来堂山門而已残り其外ハ
市中一同不残焼失致し候由承り申候死人之儀ハ中々以
難相分噂二は善光寺町計二而即死人弐三万人も
可有之由同所町人別之者も廿五日朝残居候者漸々
弐三百人ならてハ無之趣噂二御座候得共是迚も逃去候
者も有之儀二而凡二も人数相分兼候得共何れ大変
誠二御座候
一塩崎村ゟ西之方隣宿上田領稲荷山宿之儀ハは
震潰候上出火二而不残焼失致し旅人其外即死人
夥敷趣二御座候得共是も人数相知不申 噂二は死人
弐三万人と申事二御座候其外迚も焼失いたし候宿村々ハ
自然と死人多く有之候儀と奉存候
一信州佐井川之儀廿四日夜右地震之節ゟ流水留り
廿六日昼比私共彼之地出立之節迄一切流水無之是迄
丹波嶋宿辺ゟ川上江七八里行みの路之橋とて刎橋
有之候由右前後之辺山崩致し佐井川を塞候由二而
何時何方ゟ出水致し候哉難計同所川附は勿論
低場之者共ハ追々逃去申候右二付往還江ハ上田
松代等ゟ役人出張差留申候噂二は左井川之湛水
信州松本辺湖水之如く相成桔梗ヶ原と申所ゟ