翻刻
▲〇御朱印頂戴之寺社御朱印可被下間来寅三月ゟ五月迄之内江戸表へ可罷出旨御触 丑十二月
一延享三寅年 正月六日之留
●〇頃日切レ金疵金等通用不自由ニ相成候由畢竟諸国在々諸商人共切レ金嫌ヒ国々為替
金等ニも疵金等選候故之事被相聞候前々も被仰出候通自今小判壱歩共ニ切レ疵やけ疵
大小無構きれはなれ候迄可致通用候軽目金之儀ハ小判ハ四厘迄軽分致通用壱歩判も
右分量を以軽分疵金共無滞可致通用候此旨諸国在々御料私領共ニ右之段相心得
両替屋を始諸商売物代金為替金等無滞可致通用候若又武家方并町方百姓
等不請取物有之候ハヽ両替屋ゟ其支配々々へ可申出候此以後彼是と致難渋万一寄銀
等取候両替屋有之ハ其所之支配へ早速可訴出候吟味之上急度可申付事
右之趣江戸京大坂ハ勿論其外御料ハ御代官私領ハ領主地頭ゟ可申付候以上
丑閏十二月 右之通可被相触候
●〇先達而相触候京嵯峨法輪寺勧化去年中迄ニ取集可遣旨被仰出候処不指越所
ニも有之ニ付今度諸国巡行綸旨ニも都鄙之■族を可勧旨有之候間可寄進旨
右大意 閏十二月
四月十五日之留
●一借金買懸等之出入者人々相対之事故近来壱ケ年両度之裁許申付候得共向後三
年以前子正月ゟ之金銀出入者前々之通取上裁許可申付候四年以前亥十二月迄之
金銀出入唯今迄奉行所ニ而壱ケ年両度之裁許月切等申付候得共向後奉行所
ニ而不申付候間相対を以無滞急度可相済候
一只今迄金銀出入ニ付奉行所ゟ呼出候節令不参又ハ済方申付候得共金子不指出輩有
之由相聞不埒ニ候右之通此度相改候上奉行所ゟ呼出候節致不参候歟又ハs三方申付候而も
不埒之輩有之ハ武士方ハ奉行所ゟ老中江申達候筈ニ候寺社町在ハ奉行所ニ而も
咎可申付候 右之趣可被相触候 寅三月
六月十四日之留
●〇召連候供廻り之者共不礼無之様ニ度々被仰出候処近年無礼之聞有之候其上老中若年
寄へも不礼成儀も有之様ニ相聞如何ニ候向後致相慎作法宜様ニ可有之候尤
不礼之仕方於
有之ハ家来ハ不及申主人も越度たるへく候条此旨堅可被相守候以上
右之趣可被相触候 寅六月